Desimp4

A Beautiful Ghazal Written By "AHMAD FARAZ" And Recited By Zia Anjum - ضیاء انجم
www.FaceBook.com/Zia.Anjum

Listen Or Download In Audio:-

======-Lyrics / Ghazal-========

Suna Hai Loog Usse Aankh Bhar Ke Dekhte Hain
So Uss Ke Sheher Mein Kuch Din Theher Ke Dekhte Hain

Suna Hai Boley Tou Baaton Se Phool Jhartey Hain
Yeh Baat Hai To Chalo Baat Kar Ke Dekhte Hain

Suna Hai Rabt Hai Us Ko Kharaab Haaloon Se
So Apne Aap Ko Badbaad Ker K Dekhtey Hein

Suna Hai Din Ko Usse Titliyaan Sataati Hai
Suna Hai Raat Ko Jugnoo Thehar Ke Dekhte Hain

Suna Hai Uss Ke Badan Ki Taraash Aisi Hai
Ke Phool Apni Qabaaein Katar Ke Dekhte Hain

Suna Hai Dard Ki Ghaahak Hai Chashm-E-Naaz Us Ki
So Hum Bhi Us Ki Gali Se Guzar Ke Dekhtay Hain

Suna Hai Us Ko Bhi Hai Shair-O-Shaeri Se Shaguf
So Hum Bhi Moujazzay Apne Hunar Ke Dekhtay Hain

Suna Hai Hashr Hain Us Ki Ghazzaal See Ankheen
Suna Hai Us Ko Hiran Dasht Bher Key Dekhtey Hain

Suna Hai Us Ki Siyah Chashmagi Qayamat Hai
Soo Us Ko Surma Faroosh Aah Bher Key Dekhtey Hain

Suna Hai Raat Use Chaand Takta Rehta Hai
Sitaray Baam-E-Falak Se Utar Ke Dekhtay Hain

Suna Hai Rat Se Barh Kar Hain Kaakalian Us Ki
Suna Hai Shaam Ko Saye Guzar Ke Dekhtay Hain

Suna Hai Us Ke Labon Se Gulab Jalate Hain
So Ham Bahar Par Ilzaam Dhar Ke Dekhtay Hain

Suna Hai Us Ke Shabistan Se Mutasil Hai Behisht
Makeen Udhar Ke Bhi Jalway Idhar Ke Dekhtay Hain

Suna Hai Aaina Tamasaal Hai Jabee'n Us Ki
Jo Sada Dill Hain Ussey Ban Sanvar Ke Dekhtay Hain

Suna Hai Jab Se Hamail Hain Us Ki Gardan Main
Mizaj Aur Hi Lal-O Gauhar Ke Dekhtay Hain

Suna Hai Chashm-E-Tasavur Se Dasht-E-Imkaan Main
Palang Zawaiye Us Ki Kamar Ke Dekhtay Hain

Rukey To Gardishein Uss Ka Tawaaf Karti Hain
Chaley To Uss Ko Zamaaney Theher Ke Dekhte Hain

Bus Ek Nigaah Sey Lut-Ta Hai Qafila Dil Ka
Soo Raah-E-Rawaan-E-Tammana Bhi Dar Ke Dekhte Hain

Kahanian Hee Sahi, Sab Mubalghey Hee Sahih
Ager Woh Khawb Hai Tabeer Ker Key Dekhtey Hain

Woh Saruqad Hai Magar Begul-E-Muraad Nahin
Ke Us Shajar Pe Shagufay Samar Ke Dekhtay Hain

Kisse Naseeb Ke Be-Pairahan Usse Dekhey ?
Kabhi Kabhi Dar-O-Deewaar Ghar Ke Dekhte Hain

Ab Us K Shehar Me Tehrein K Kooch Ker Jain
Faraaz Aao Sitaarey Safer K Dekhtey Hein